„Ако Јувентус се потпира на Дибала тогаш нема да освои ништо“

Антонио Касано официјално ја заврши својата кариера пред година ипол и сега голем дел од времето минува како коментатор на италијанските телевизии.

Касано своевремено беше еден од најдобрите напаѓачи во Италија и сигурно дека можеше да оствари подобра кариера ако однесувањето му беше нешто подобро.

Сега како што споменавме работи како коментатор на италијанските телевизии, а најчесто ги коментира натпреварите од Серија А. Касано вчера зборуваше на Јувентус и тешката победа на „старата дама“ кај Бреша.

Касано искрено изјави дека сега разбира зошто Масимилијано Алегри не го користел толку Паоло Дибала во првиот тим.

„Слушнав дека некои Дибала го нарекуваат феномен или новиот Меси во претходните години. Како што кажав претходно, тој е добар играчи, но ако Јувентус се потпира на него тогаш нема ништо да освои. Тој е добар играч, но не може да се споредува со Меси или некој друг лидер“, изјави Касано.