Ако од некого се очекуваат голови утре тоа е Меси!

Барселона утре на својот „Ноу Камп“ ќе го пречека Виљареал во натпреварот од 14-тото коло во Ла Лига.

Каталонците после двата натпревари без победи го испуштија првото место на табелата и сигурно дека сакаат да се вратат.

Во нападот на Барселона за овој натпревар ќе го нема Луис Суарез, па поради тоа кога се головите во прашање сите ќе ги очекуваат од Лионел Меси. Но, не само поради тоа што го нема Суарез, Виљареал и тоа како добро му „лежи“ на Аргентинецот.

Одбраната на Виљареал ќе направи се што може да го запре Аргентинецот кој против нив по традиција игра одлично.

Меси во својата кариера одиграл 18 натпревари против Виљареал и против овој тим постигнал 13 погодоци.