Адеми: Ќе продолжам да играм за Македонија, тешко ми е да ја оставам

Аријан Адеми за хрватските медиуми изјави дека и во иднина сака да игра за Македонија и не сака да ја остави репрезентацијата.

Својот последен натпревар за нашата селекција Адеми го одигра во март минатата година, кога во финалето на плејофот за Светското првенство загубивме од Португалија.

После тоа Адеми не беше дел од репрезентацијата поради повредите и големиот број клупски натпревари, но сега истакна дека сака да продолжи да игра за репрезентацијата.

„Одлучив да продолжам да играм за репрезентацијата. Сакам и можам. Зборував и со селекторот, тој сака да бидам таму и ќе бидам. Тешко ми е да се збогувам, бидејќи групата на луѓе таму е одлична, играме за нашата земја, се пласиравме на последното Европско првенство и сакаме да го повториме тоа. Иако сме во многу тешка група“, вели Адеми.

„Свесни сме дека ќе биде тешко, но ја победивме Германија од која се плашат сите. Знам дека Италијанците ќе бидат мотивирани против нас поради Мундијалот, но и ние ќе бидеме мотивирани, веруваме во голема победа“, додаде Адеми.