Барселона утре ќе го пречека Динамо Киев во Лигата на шампионите и на Каталонците им треба победа за после двата порази да си ги задржат шансите за нокаут фаза во најелитното европско натпреварување.
Тимот на Куман за викендот одигра добар натпревар и ја победи Валенсија со 3:1, па во натпреварот со украинскиот претставник влегуваат со добра атмосфера. Во натпреварот со „лилјанците“ дебитираше Серхио Агуеро кој конечно се опорави од повредата и сега е спремен да и помогне на Барселона.
Исхрана, повреди и тренинг – совети од доктор по спортска медицина | Уште еден поткаст
„Мора да победиме, ако не го направиме тоа може да се каже дека завршуваме со ЛШ за оваа сезона. Знам дека ќе имаме поддршка од навивачите и тоа многу ќе ни помогне. Благодарен сум за реакциите за мојот прв настап, возбуден сум поради она што следува“, истакна Аргентинецот.
Каталонскиот тим е последен во групата откако запиша два порази по 3:0 од Баерн и Бенфика.
Учество во игри на среќа е дозволено за лица со 18+ години. Играј одговорно!