Ѕвезда на Реал Мадрид се пожали на управата: Не сакам повеќе да играм на таа позиција, доведете некого

Во Реал Мадрид сè почесто се дискутира за плановите за иднината и потребите на тимот за наредниот период.

Едно од прашањата кое е отворено внатре во клубот се однесува на позицијата на десен бек, каде што повредите и импровизациите често ги принудуваа тренерите на алтернативни решенија.

Токму во такви околности, Federico Valverde повеќепати беше користен на таа позиција, иако е природно среден играч.

Уругваецот секогаш професионално одговараше на барањата од стручниот штаб, но изгледа дека улогата на десен бек му стана товар.

Според шпанските медиуми, Valverde јасно ѝ порача на управата на клубот дека не сака долгорочно да игра надвор од својата природна позиција.

Неговата порака беше едноставна – Реал Мадрид мора да размислува за доведување на вистински десен бек за да се избегнат понатамошни импровизации.