Во Италија вчера соиграч на Елма го изведе најсилниот пенал во историјата! (Видео)

Фудбалерите на Наполи, со повеќе проблеми од очекуваното, се пласираа во четвртфиналето на Купот на Италија, совладувајќи го Каљари на домашен терен со вкупни 10:9 по долго и драматично изведување на пенали, а јунак на мечот беше српскиот голман Вања Милинковиќ-Савиќ.

Наполи го отвори резултатот во 28. минута преку Лука, додека Еспозито во 67. минута го израмни резултатот на 1:1 по регуларниот дел од натпреварот, по што се премина на изведување на пенали.

Следуваа дури десет серии пенали за да се добие победник. Наполи можеше порано да ја заврши задачата, но Давид Нерес не успеа да го искористи својот обид во петтата серија.

Ridiculous penalty by Vanja. Possibly the fastest ever recorded. 🚀

You can clearly see he worked with Siniša Mihajlović.pic.twitter.com/ZPpdmtCCqo

— Serbian Football Scout (@SerbFootyScout) December 3, 2025

Потоа Милинковиќ-Савиќ го одбрани ударот на Лувумбу, а Буонджорно го постигна одлучувачкиот пенал за напредокот на Наполи.

Голманот на Наполи не се истакна само во одбраните, бидејќи во седмата серија и самиот шутираше од белата точка и постигна гол со неверојатно силен удар.

Заради тоа, италијанските медиуми го вклучија меѓу кандидатите за еден од најсилните удари од пенал досега видени, а во Србија пишуваат дека за тоа е заслужен покојниот Синиша Михајловиќ, со кого Милинковиќ-Савиќ некогаш вежбаше удари од пенал и слободни удари.