Влаховиќ добил смртни закани од навивач на Јувентус

Српскиот фудбалер и напаѓач на Јувентус, Душан Влаховиќ, е во центарот на јавноста по случувањата на натпреварот со Венеција.

Пред два дена Јувентус на домашен терен одигра нерешено (2:2) против Венеција.

Влаховиќ и покрај голот што го постигна во четвртата минута од судиското надополнување, доби жестоки навреди од навивачите, но и смртни закани.

Посебно на удар беше српскиот напаѓач, а како што пренесуваат италијанските медиуми, Влаховиќ добил закани по животот.

„Газета дело спорт“ објави дека специјалните единици за истраги и операции започнаа истрага против еден навивач кој упатил закани по живот на српскиот репрезентативец по натпреварот со Венеција.

@labiondajuve pic.twitter.com/njjqGKj5Vc

— Mary Di Dio (@marydidio_) 14 декември, 2024