Влаховиќ мора на операција, го чека долга пауза

Многу лоши вести за Јувентус во однос на напаѓачот Душан Влаховиќ.

Репрезентативецот на Србија ќе мора да оди на операција и го очекува подолга пауза. Повредата на мускулот што ја заработи против Каљари е толку сериозна што српскиот напаѓач ќе мора на операција, ова е конечната одлука, само е прашање каде ќе се изврши интервенцијата.

Според првите проценки, поранешниот фудбалер на Партизан би требало да отсуствува од терените најмалку четири месеци, што значи дека пред пролетта следната година нема да се врати.

За Јувентус одигра 162 натпревари со 64 постигнати голови.