Вестбрук со моќни зборови го опиша Јокиќ: Ти си најдобриот кошаркар во светот

Кошаркарите на Денвер Нагетс убедливо ја совладаа Атланта Хокс со 139:120 на својот прв меч во новата година, одигран во Бал Арена во Колорадо.

По овој дуел, своите впечатоци ги изнесе Расел Вестбрук. Тој со многу пофалби ја опиша играта на Јокиќ.

„Само благослов. Благодарен сум што сум здрав, влегуваме во нова година, прва победа во новата година. Неверојатни навивачи, одлична победа за нас вечерва. Јокиќ е најдобриот играч на светот. Моја работа е да му ја олеснувам играта, а тој тоа го прави за сите останати. Навистина е привилегија да се дели терен со него“, вели Вестбрук.

Вестбрук ја истакна и важноста на играта во одбраната.

„Треба да бидеме одговорни еден кон друг. Почнувам од себе, играјќи одбрана од првиот скок до крајот, без опуштање. Вечерва направивме одлична работа со подигнување на интензитетот во третата четвртина, што ни помогна да стигнеме до победа“, посочи тој.

“We just gotta hold each other accountable” -Russell Westbrook @VicLombardi talks to Russ after the dominant win over Atlanta #MileHighBasketball pic.twitter.com/TUENY9i92T

— AltitudeTV (@AltitudeTV) January 2, 2025