Вакво нешто ретко се гледа: Во Премиер лигата вчераа го видовме можеби промашувањето на сезоната! (Видео)

Арсенал беше убедлив против Астон Вила со победа од 4:1 во дербито на 19. коло од англиската Премиер лига кое се одигра на нивниот стадион Емирати во Лондон.

По изедначеното прво полувреме, Топџиите доминираа во првите 15 минути од второто, постигнувајќи три гола и решавајќи го исходот на мечот. Почнаа со водство во 48. минута преку голот на Габриел по корнер, Марти Зубимени го зголеми резултатот на 2:0 во 52. минута, додека Леандро Тросар во 69. минута донесе предност од 3:0.

До 78. минута резултатот беше 4:0, откако Габриел Жезус прекрасно погоди од 18 метри. Гостите постигнаа почесен гол преку Воткинс во четвртата минута од судиското продолжение, но само минути претходно се случи неверојатен пропуст, за кој ќе се зборува со денови.

Воткинс одлично реагираше на центаршутот во казнениот простор, упати удар со глава и ја погоди стативата. Топката се одби до ногата на Џон Мекгин, кој од само два метра имаше лесна задача да ја испрати топката во мрежата, но Давид Раја оствари неверојатна одбрана.

David Raya со невозможен потег 🤯@Arsenal pic.twitter.com/Rv6RMQe1es