Голманот на репрезентацијата на Шпанија Гонзало Перез де Варгас направи одличен потег на натпреварот од третото коло на групната фаза против селекцијата на Шведска.
Се играше 40-тата минута од дербито на Светското првенство кога беше досуден седмерец за Шведска поради прекршок на Дани Дуишебаев врз Себастијан Карлсон.
Викендов најинтересно во Серија А и на СП во ракомет ↓↓↓
Топката ја зеде Хампус Ване и се подготви да изведе седмерец против познатото лице, соиграчот од Барселона Гонзало Перез де Варгас, кој го замени Сергеј Ернандез на голот на Шпанија.
Двајцата заедно играа во последните три сезони и освоија Лига на шампиони заедно како и Куп и Суперкуп двапати, а исто така играа и на Светското клупско првенство 2023 и 2024 година.
Познавајќи се многу добро, тоа повеќе му одеше на рака на шпанскиот голман кој со одлична реакција одбрани пенал и ја задржа надежта на Шпанија да се врати во натпреварот.
Во тој момент резултатот беше 20:14 за Шведска и со освоениот гол би дошле на плус седум, што би ги доближило на чекор до значајна победа со која би пренесле два бода во главната фаза на натпреварувањето.
Унгарскиот судија Биро Адам процени дека Швеѓанецот го погодил голманот со топката во главата и веднаш му покажа црвен картон.
Варгас можеше да премолчи, покрај тоа што Шпанците требаше да ловаат и голема минуса, но според сите спортски начела за фер-плеј шпанскиот голман му пријде на судијата и му објасни дека топката од неговата рака се одбила во главата и дека Швеѓанецот не заслужува казна.
Унгарецот го прифати предлогот и ја поништи првата своја одлука. На крајот оваа чесност на Шпанците им се врати, бидејќи дуелот заврши 29:29, па двете репрезентации во следниот круг пренесоа по три бода.
Учество во игри на среќа е дозволено за лица со 18+ години. Играј одговорно!