В Ман Сити активно бараат нов стартен голман, Едерсон е пред заминување

Од Манчестер Сити интензивно се подготвуваат за разделба со првиот голман на тимот, Едерсон, според различни извори околу клубот.

Бразилецот беше на чекор од заминување уште минатото лето, кога имаше сериозен интерес за него од клубови од Саудиска Арабија, но тогаш беше убеден од Гвардиола да остане уште една година.

Ова лето ситуацијата е различна и Каталонецот нема намера повторно да го убедува играчот. Турскиот гигант Галатасарај веќе испрати понуда за Едерсон, која беше одбиена, но се очекува двете страни да провалкаат нови разговори во наредните денови.

Затоа челниците на “граѓаните” веќе напредуваа во работата со различни опции за нов голман, а за сега опциите се две. Првата е таа со Џејмс Трафорт, кој е младинец на клубот, но беше продаден на Брентфорд пред две сезони за нешто повеќе од 17 милиони евра. За тоа време тој се утврди како еден од стабилните англиски голмани, собра многу искуство и доби неколку покани за националната репрезентација, иако се уште ја нема направено неговата дебитантска средба. Од Сити веќе имаат одржано разговори со играчот и тој има дадено согласност да се врати во тимот ако двете страни можат да се договорат за договорот. “Граѓаните” имаат опција за откуп на него за 40 милиони евра, но сакаат да ја намалат цената на фудбалерот преку преговори со новакот во Премиер лигата.

Втората опција е Диого Кошта од Порто. Португалскиот репрезентативец ќе биде доста поскап избор, иако е доста добро ценет од Џосеп Гвардиола поради одличната игра со нозете и стабилното изведување за тимот на Порто во последните неколку сезони. Кошта се утврди и како безспорен број еден на голот на националниот тим на Португалија.