Уште едно заминување од Далас: Нема смисла да останам тука без Дончиќ

Откако Лука Дончиќ го напушти тимот на Далас на крајот на транферскиот период во НБА лигата, Маверикс останаа без уште еден Словенец кој беше дел од оваа франшиза.

Како што потврди НБА инсајдерот Марк Стајн, член на стручниот штаб на Далас повеќе не е Марко Милиќ, кој не сакаше да остане таму без Дончиќ.

REPORT: Marko Milič, who was an assistant coach for the Dallas Mavericks, is no longer with the team, per @TheSteinLine.

Milič is also from Slovenia and didn’t want to stay with the organization due to Luka no longer being on the Mavs. pic.twitter.com/3Y4QWIoSAW

— MFFL NATION (@NationMffl) February 9, 2025

Неговата поврзаност со Дончиќ е повеќе од очигледна, а во Далас беше од 2022 година. Пред да навлезе во тренерските води, играше за Љубљанската Олимпија и Триглав од Крања, во НБА носеше дрес на Феникс, а настапуваше и за Виртус, Фенербахче, Фортитудо и Реал Мадрид.

Да потсетиме, Дончиќ минатата недела премина во Лос Анџелес Лејкерс, од каде во спротивен правец замина Ентони Дејвис, што ги разбесни и навивачите на Мавс, кои протестираа против оваа луда одлука на раководството на клубот.

Тоа се одрази и на популарноста на Далас на социјалните мрежи, бидејќи Инстаграм профилот на клубот изгуби скоро милион следбеници.

По сето тоа, сидро реши да дигне и Милиќ, кој рече дека нема смисла да остане во Далас по заминувањето на Дончиќ. Милиќ е познат и како првиот словенечки кошаркар во НБА лигата, бидејќи за Феникс играше уште во 1997 година, само неколку години по осамостојувањето на Словенија.

Во 1997 Санс го избраа во втората рунда на Драфтот, а за овој тим одигра 44 натпревари, во кои немаше позабележителна улога.