Торино Јувентус, кој го предводи Игор Тудор, од јануари има шанса да стане посилен со ангажирање на талентираниот 19-годишен бразилски фудбалер Ендрик. Според неделните извештаи на италијанските медиуми, Јувентус работи на план да го донесе Ендрик на позајмица од Реал Мадрид, каде сезонава главно седи на клупа.
Тоа би било од обостран интерес – Реал би сакал играчот да добие повеќе минути за да ја одржи формата, а Јувентус би добил квалитетен играч. Исто така, италијанскиот стратег Карло Анчелоти, кој е истовремено и селектор на Бразил, би сакал Ендрик да игра повеќе за да остане во одлична форма за светското првенство следната година.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Минатата година, Ендрик пристигна во Реал од бразилскиот Палмеирас, каде што имаше извонредни настапи, реализирајќи 18 голови во 66 натпревари. Во Реал дојде за 60 милиони евра, а досега во Ла Лига одигра 22 натпревари и постигна само еден гол.
Во моментов, Јувентус е на петтата позиција во Серија А и оваа сезона, барем во шампионатот, има потешкотии со нападот. Тимот има постигнато само девет голови во шест мечеви, па доаѓањето на Ендрик би ги зголемило напаѓачките опции на торинскиот клуб. Во својата кариера, Ендрик одигра 14 натпревари за Бразил и три пати се запиша во листата на стрелците.
Учество во игри на среќа е дозволено за лица со 18+ години. Играј одговорно!