Американскиот претседател Доналд Трамп, голем обожавател на боречките спортови, во недела најави дека на 14-ти јуни, на својот 80-ти роденден, ќе организира борба во мешани боречки вештини (MMA) во Белата куќа.
„На 14-ти јуни следната година ќе имаме голема УФЦ борба во Белата куќа, токму во Белата куќа, на теренот на Белата куќа”, рече американскиот претседател за време на говор во Норфолк во Вирџинија, по повод 250-годишнината од американската морнарица.
Од лозје до чаша: Уметноста на виното со Теодор Бојаџиев | Уште еден поткаст
Шефот на UFC Дана Вајт, близок пријател на Доналд Трамп, веќе во минатиот август најави дека во Белата куќа ќе се одржи MMA настан по повод 250-годишнината на Соединетите Држави. Првично планираниот датум беше 4-ти јули, кога во САД се празнува Денот на независноста.
Во текот на својата кариера, која ја опфаќала шоу бизнисот и политиката, Доналд Трамп често се појавувал покрај боксерите како Мајк Тајсон и борачите како Халк Хоган. Откако повторно стана претседател, редовно ги следи UFC борбите.
Учество во игри на среќа е дозволено за лица со 18+ години. Играј одговорно!