Македонската фудбалска репрезентација вечерва од 18 часот на Националната арена „Тодор Проески“ ќе одигра пријателски натпревар против селекцијата на Летонија. Историјата е целосно на страната на „црвено-жолтите“, кои досега петпати се сретнале со овој ривал и секогаш излегле како победници.
Двете селекции последен пат се соочија пред точно една година, на 14 ноември, кога Македонија во Скопје славеше со минимални 1-0 благодарение на погодокот на Серафимов. Во истиот циклус на Лигата на нации, нашите фудбалери беа убедливи и на гостувањето во Рига, каде триумфираа со 3-0 со голови на Атанасов, Ќамили и Елмас.
Данска vs. Македонија: Како тие се справуваат со отпадот, додека ние се расправаме кој е крив?
Претходно, во квалификациите за Европското првенство во 2019 година, Македонија исто така забележа две победи – 2-0 во гости и 3-1 на домашен терен. Статистиката е јасна: Летонците досега не успеале да ни се спротивстават, а избраниците на селекторот Благоја Милевски ќе се обидат да ја продолжат победничката низа и вечерва во Скопје. Првиот меч меѓу Македонија и Летонија беше во Скопје во 2014 година. Како и денеска, тоа беше пријателски натпревар, победивме со 2-1. Вкупно на средбите со Летонците сме постигнале 11, а сме примиле само два гола.
Учество во игри на среќа е дозволено за лица со 18+ години. Играј одговорно!