Тео Ернандез официјално е играч на Ал-Хилал

Милан и Ал-Хилал официјално го потврдија трансферот на Тео Ернандез во клубот од Саудиска Арабија.

“Росонерите” ќе добијат 25 милиони евра за 27-годишниот Французин. Според Николо Скира, самиот играч ќе заработува по 22 милиони евра годишно во Ал-Хилал. Тој потпиша договор на три години, со опција за продолжување од дополнителни 12 месеци.

Милан го привлече левиот бек од Реал Мадрид во летото 2019 година за 22 милиони евра. Тој постигна 34 гола и направи 45 асистенции во 262 натпревари за “росонерите”, освојувајќи една шампионска титула и една Суперкуп на Италија. Сега Ернандез ќе работи во Ал-Хилал со поранешниот тренер на Интер, Симоне Инзаги.

На разделба, Милан објави видео со некои од најдобрите моменти на Тео Ернандез за неговите шест години во клубот.