Tричковски: Косово е минато, утре е нов меч и нов противник

Македонија утре ќе се соочи со Естонија, а пред тој натпревар покрај селекторот Игор Ангеловски на прес-конференцијата зборуваше еден од најискусните во нашите редови, Иван Тричковски.

Иван Тричковски кој во своот клуб игра во одлична голгетерска форма најави дека Македонија како и секогаш и против Естонија оди на победа. Косово е минато и пред нас се сега нови предизвици.

„Тоа што го посакувавме го направивме – го победивме Косово и се пласиравме во финалето. Но, веќе тоа е минато, утре не чека нов натпревар, нов противник и се подготвивме за овој натпревар колку што можевме подобро. Целта и овој пат е иста, победа“, изјави Тричковски.

Македонија натпреварот во Талин против Естонците ќе го игра утре во 18:00 часот.