Судијата го налути Алкараз: Не сум јас виновен! (Видео)

Шпанскиот тенисер Карлос Алкараз се најде во дебата со судијата Грег Аленсворт.

Аленсворт за време на паузата помеѓу гејмовите во првиот сет му посочи на Алкараз да го покрие логото на шишето со вода.

Судијата објасни дека логото е во спротивност со спонзорските договори на турнирот во Синсинати.

„Такви ни се упатствата“, рече Аленсворт.

Алкараз одби да се согласи и навлезе во расправа.

„Да, но тоа не е моја вина. Зошто би го покривал кога не е моја вина? Твоја е оваа одлука, сега велиш да го покријам? Не, нема да го покријам“, изјави Алкараз.

Оваа ситуација не го наруши претерано Алкараз, кој лесно го победи Лука Нардeсо со 6:1, 6:4

Неговиот следен противник ќе биде Андреј Рубљов.

alcaraz beefing with the umpire and refusing to put away the evian water bottles ijbol run him his check rn @evianwater

pic.twitter.com/tkqndMuZ5h

— . (@stcrnights) August 14, 2025