Станковиќ збесна: Се расправаше со новинар на три јазици, па му порача – ти си смрдеж! (Видео)

Поранешниот тренер на московски Спартак, Дејан Станковиќ, стана тема на денот на социјалните мрежи поради бурната расправија со еден новинар, снимка која брзо стана вирална.

Станковиќ, во разговор со новинарот Амад Ахмедов што се одржа на 9 ноември, веднаш по победата на неговиот тим против Ахмат Грозни со 2:1, се најде во центарот на вниманието.

Сцената се одигра во микс-зоната по завршувањето на натпреварот, а инцидентот излезе од контрола до степен Станковиќ, познатиот фудбалер, видливо нервозен ги напушти микрофоните и новинарите.

Моментот кога Станковиќ и новинарот дискутираат, со присуство на преведувачот, привлече големо внимание и се шири низ интернетот.

Новинарот Ахмедов започна со прашање дали по натпреварот Станковиќ му викал “Срамота!” на судијата Артем Чистјаков.

“Не, се поздравив со Богосавец (играч од Србија кој настапува за Ахмат). Не знам за што зборувате”, одговори Станковиќ мирно, користејќи го англискиот јазик.

Од долго време не се видел поинтересен интервју по натпреварот

Започнат на англиски, продолжен на италијански и завршен, логично, на српски pic.twitter.com/OAhXz7r4J8

— Шарени (@sarenivol2) November 12, 2025

Новинарот се обиде да го прекине интервјуто, што само дополнително го распали српскиот тренер, кој веднаш продолжи со жестока вербална контра.

“Дали имате уште прашања? Дали тоа беше вашето единствено прашање? Дали сте новинар? Зошто ме прашувате вакви работи? Дали разбирате нешто од фудбал? Кој систем користевме? Кога менувавме играчи? Вие не го знаете тоа. Вие и другите само така зборувате!”, викаше Станковиќ додека префрлуваше од англиски на италијански јазик, додека преведувачот мирно ги преведуваше неговите зборови.

По обидот на новинарот да го прекине интервјуто со зборовите “Завршивте? Ви благодарам многу”, Станковиќ изгуби трпението и луто се развика на својот мајчин српски јазик: “Не сум завршил. Што сакаш ти, бе? Што сакаш? Смрдеж еден!”