Србинот е хит во НБА: Од фаворит за отказ, до фаворит за тренер на годината (Видео)

Торонто Репторс ги совладаа Кливленд Кавалирс на домашен терен со резултат 110:99.

Малкумина очекуваа дека тимот на Дарко Рајаковиќ ќе успее да биде еден од најдобрите оваа сезона на Истокот, барем така е на почетокот на сезоната и со резултат 13-5 тие се пред некои од главните фаворити оваа сезона.

Што направи Рајаковиќ досега?

Торонто е тим со голем број асистенции, тоа е негов печат, дури и кога беа послаби претходните сезони во однос на резултатите, беа меѓу најдобрите тимови по асистенции (шести и седми во претходните две сезони). Сега се моментално четврти.

Тоа што е важно да се напомени е дека тимот дефанзивно станува се подобар и подобар, противниците често губат 25+ топки токму против Торонто.

Поради сето ова, Рајаковиќ е еден од главните кандидати за тренер на годината во НБА лигата!

Интересно е што пред почетокот на сезоната, според кладилниците, беше веднаш зад Ник Нурс по шансите да добие отказ, но по фантастичниот старт никој повеќе не се сомнева во српскиот тренер.

Toronto Raptors head coach Darko Rajaković celebrated enthusiastically after the team secured 7 straight wins. #Raptors pic.twitter.com/DUEG9UHnDp

— Now Toronto (@nowtoronto) November 24, 2025