Срамно: Млад атлетичар од зад грб го турна противникот пред крајот на трката (Видео)

Младиот шпански атлетичар Марио Паленсија беше дисквалификуван откако само неколку сантиметри пред целта направи срамен потег, повреди ривал и ги остави гледачите во шок.

Шпанското атлетско првенство за млади под 20 години се одржа минатиот викенд во местото Саламанка, а покрај талентираните спортисти и одличните натпревари, гледачите имаа можност да видат навистина редок случај на несвојствен потег.

Гиљермо Санчез без проблем успеа да слави во трката на 1.500 метри, постигнувајќи импресивно време од 3:54.55. Сепак, тој не е личноста за која се зборува најмногу по финалето.

Додека Санчез ја славеше победата со кренати раце, зад него се случи сцена за која Шпанците зборуваат. Се работи за борба за сребрения медал.

Даниел Лопез беше на второто, а Марио Паленсија на третото место. Во еден момент се чинеше дека Лопез ја пресекол патеката на Паленсија.

Тогаш третиот Паленсија силно го турна својот ривал во полна трка и го испрати на земја, што не е нималку пријатно кога се земат околностите во кои падна во полна брзина.

Лопез остана да лежи на подот, изгледа повреден, додека Паленсија не се грижи за него, дури и му се обрати, најверојатно фрустриран затоа што ривалот влегол во неговата патека.

Паленсија веднаш беше дисквалификуван, бидејќи неговиот потег беше опишан како неспортивно однесување според членот RT7.1. Потегот предизвика негодување кај публиката која зачудено гледаше што се случува.