Сопственикот на Јувентус Џон Елкан се очекува да одржи средба со директорите на клубот Кристиано Џунтоли и Маурицио Сканавино утре, објавува “Кориере дело Спорт”.
На таа средба ќе се расправа за слабата форма на тимот и мерките што ќе мора да се преземат ако “бјанконерите” не успеат да се квалификуваат за Лигата на шампиони. Тимот на Тиаго Мота доживеа две последователни тешки порази – од Аталанта и Фиорентина, и беше престигнат од Болоња во борбата за четвртото место.
Не се плашам од немање пари – FitKit, Coach Foods и претприемачкиот пат на Јосиф Дамјанов ↓↓↓
Откако беа потрошени над 200 милиони за нови засилувања, очекувањата беа дека тимот најмалку ќе обезбеди место во четворката и ќе си осигура учество во Лигата на шампиони за следната сезона. Ако тоа не се случи, ќе се преземат мерки за намалување на трошоците. Преговорите за нови договори на Вестон Мекени и Федерико Гати се замрзнати.
Покрај тоа, Рандал Коло Муани и Франсиско Консейсао, кои се земени под наем, можеби нема да останат во клубот, бидејќи нема да има средства за нивно ангажирање. Ситуацијата може да наложи дури и продажба на некои основни играчи како Кенан Јилдиз.
Учество во игри на среќа е дозволено за лица со 18+ години. Играј одговорно!