Сколс кажа што му треба на Аморим за успех во Манчестер јунајтед

Манчестер Јунајтед успеа да освои бод на гостувањето на „Енфилд“, но и нерешениот резултат со Ливерпул го покажа постојаниот проблем.

Јунајтед има проблеми во сите линии на тимот, но јасно е дека во нападот мора да има убиствен напаѓач, што не се ниту Расмус Хојлунд ниту Џошуа Зиркзе.

Тоа го покажуваат и бројките, а исто така и нивното влијание врз играта на Јунајтед, која е минимална.

Хојлунд оваа сезона постигна само два гола во Премиер лигата и уште пет во Лига Европа, на дури 23 натпревари во сите натпреварувања. Дефинитивно не го оправдува вложеното дури 74 милиони евра, колку што беше платен кога пристигна од Аталанта.

Ништо подобар не е ниту Џошуа Зиркзе, во кој Аморим нема доверба и моментално не е во прв план. Тој одигра 28 натпревари откако дојде од Болоња, главно како резервист, постигна четири гола и додаде две асистенции, а неговото влијание врз играта е исто така минимално.

Легендарниот Пол Сколс за англиските медиуми порача дека Јунајтед итно мора да доведе вистински напаѓач.

„Ако клубот сака да му донесе на Аморим засилување, тогаш тоа мора да биде нов напаѓач“, рече Сколс.

Јунајтед плати за Хојлунд и Зиркзе заедно околу 115 милиони евра, а заедничките пет гола во Премиер лигата оваа сезона едноставно се под секакво ниво.