Вториот светски тенисер Јаник Синер се пласираше во осминафиналето на Австралискиот опен, Гренд слем на кој ја брани титулата, откако во третото коло со 3-1 го победи Елиот Спицири.
Дуелот беше обележан со прекин поради проблеми на Италијанецот со грчеви, прекин поради топлото време и затворањето на кровот на Род Лејвер Арената. На прес-конференцијата, Синер се осврна на сето тоа.
До кога ќе дишеме отровен воздух!? | Уште еден поткаст
Го прашаа за проблемите за време на мечот и за грчевите.
– Денес беше премногу топло. Почнав да добивам грчеви во третиот сет, но потоа тие полека исчезнуваа. Подобро го познавам своето тело и се обидувам да ја разберам ситуацијата во дадениот момент. Имав среќа. Кога го затворија кровот, беше потребно време. Се обидував да се релаксирам и тоа помогна. Малку го променив начинот на кој играм одредени поени.
Што правеше во соблекувалната додека го затвораа кровот?
– Ништо. Бев сам. Немаше третман. Не може да добиете третман во тој момент. Само се истегнував и легнав пет минути обидувајќи се да ги релаксирам мускулите. Изгледа дека успеа. Малку ја спуштив температурата на телото и тоа е тоа. Нема многу работи што можете да направите. Времето брзо поминува, но ми помогна, тоа сигурно.
Учество во игри на среќа е дозволено за лица со 18+ години. Играј одговорно!