Симеоне го провоцираше Винисиус – Бразилецот му возврати по натпреварот

По бурниот полуфинален натпревар од шпанскиот Суперкуп, каде што Реал со победа од 2:1 против Атлетико се избори за финале против Барселона, тензичниот однос меѓу Винисиус Жуниор и Диего Симеоне продолжи и надвор од теренот.

Напаѓачот на Реал веднаш по пристигнувањето во соблекувална го зеде својот мобилен телефон и на Инстаграм остави порака за тренерот на Атлетико, како одговор на видеото за нивната ситуација. „Уште една елиминација,“ напиша Вини со четири емотикони на плачливи лица.

Нетолеранцијата започна уште во првото полувреме, кога Симеоне покрај теранската линија се обидуваше да го испровоцира Винисиус. „Флорентино ќе те исфрли, запомни го тоа што ти го кажувам…,“ рече аргентинскиот стратег на бразилската ѕвезда.

Конфликтот продолжи и во второто полувреме, при измената на Винисиус. Симеоне повторно му се обрати, сугерирајќи дека свирежите од трибините се насочени кон него. Винисиус реагираше бурно, што предизвика дебата меѓу клупите.

На прес-конференцијата по натпреварот, Симеоне одби да го коментира конфликтот. „Она што се случува на теренот, останува таму, нема што да се коментира,“ изјави тој. Кога новинарите дополнително го прашаа за коментар за изјавата „Флорентино ќе те исфрли,“ Чоло иронично одговори: „Не се сеќавам, не паметам добро.“

За разлика од Симеоне, Алонсо беше поотворен. „Не ми се допадна тој момент. Чоло му рече нешто и таквите нешта ги надминуваат границите на спортскиот дух. Не ми се допаѓа кога така се обраќаат кон колеги. Не сѐ е дозволено,“ изјави Алонсо, јасно го осудувајќи однесувањето на тренерот на Атлетико.