Јирген Клоп е најсериозниот кандидат за тренерската позиција во Реал Мадрид. Иако избегнуваше да ја коментира ваквата можност, славниот германски стратег е заинтригиран од идејата да ги предводи Кралевите и веќе наводно поставува темели за првото значајно засилување на Сантијаго Бернабеу.
Клоп неодамна ги отфрли гласините за негово пристигане во Мадрид, но не ги затвори целосно вратите за таков потег.
До кога ќе дишеме отровен воздух!? | Уште еден поткаст
“Не сум многу возбуден од надежите на Реал. Всушност, тие и не се навистина заинтересирани, тоа е само медиумски шум. Мирен сум и уживам во мојата улога во Ред Бул и не планирам да заминувам на друго место”, изјави Клоп, додавајќи:
“Не очекувам да го променам своето мислење, но никако не викам никогаш”, истакна тој.
Сепак, сè почесто се зборува за неговото враќање на тренерските клупи и потенцијалното негово доаѓање во Реал. Шпанскиот медиум El Nacional донесува нови информации за ова.
Наводно, 58-годишниот Германец веќе започнал со подготовките. Работи на воведувањето на својата екипа на Бернабеу, а во лидерската улога го посакува Ерлинг Халанд.
“Јирген Клоп наводно веќе стапил во контакт со Ерлинг Халанд за можниот трансфер во Реал Мадрид”, пренесува El Nacional и додава:
“Поранешниот тренер на Ливерпул во моментов е главниот кандидат за нов тренер на Реал од следната сезона. Постои можност, Тони Кроос да биде привремен тренер ако Алваро Арбелоа добие отказ во блиска иднина.”
Секако, за сега сето ова се само шпекулации. Клоп ќе одлучи дали сака повторно да влезе во тренерските води, а одлучката ќе биде донесена исто така брзо.
Инаку, интересот на Реал за Ерлинг Халанд не е воопшто изненадувачки. Флорентино Перез веќе подолго време покажува интерес за доведување на оваа норвешка ѕвезда.
Кралскиот клуб е подготвен на одредени измени во текот на летниот преоден рок. Останува да видиме дали ќе тргнат по Халанд.
Учество во игри на среќа е дозволено за лица со 18+ години. Играј одговорно!