„Сакам да победувам секогаш, па дури и против ќерка ми кога играме карти“

Антонио Конте отсекогаш имал епитет дека е тренер со победнички менталитет, но ова изгледа малку претерано.

Познатиот италијански тренер, а денес тренер на Наполи, Антонио Конте беше многу задоволен од победата против Венеција.

Стратегот призна дека во одредени моменти за време на тој натпревар имал чувство дека неговиот тим е проколнат и дека дури не би се изненадил ако го загубиле овој натпревар.

“Чудно беше што десет минути пред крајот на натпреварот, резултатот сѐ уште беше 0:0.

Имав чувство дека сме проколнати. Доминравме во поседот на топката, упативме 25 удари, потфрливме пенал и погодивме пречка.

Искрено не би се изненадил ако на крајот го загубиме овој натпревар. Венеција играше добро. Не изненадија со тоа што Јоел Похјанпало го оставија на клупа, фокусираа се на одбраната и контранападот.

Имаат два многу брзи напаѓачи кои ни создаваа проблеми, но Алекс Мерет добро се снајде и ги запре.

Задоволен сум што мојот тим се развива, но сакам да постигнуваме повеќе голови за да бидеме помирни и да избегнуваме вакви моменти во последните неколку минути”, изјави Конте.

Со оваа победа, Конте сега стигна до 500 бодови освоени во Серија А. Претходно освои Скудето со Јувентус и Интер.

Сега истакнува дека тоа сака да го постигне и со Наполи, каде што доаѓа до израз неговиот победнички менталитет.

“Сакам постојано да победувам, дури и кога играм карти со мојата ќерка. Веќе имам кажано дека не се задоволувам со мали цели.

Исто така, мораме да бидеме реални во целите на клубот. Овие две работи можеби изгледаат контрадикторно, но постои разлика.

Едноставно не се задоволувам со мали цели, но освојувањето 41 бод по 18 кола заслужува почит.

Тоа е повеќе отколку што очекувавме. Сакаме да продолжиме да работиме, да се развиваме и да се надеваме дека нема да имаме повреди,” заврши Италијанецот.