Сабаленка ја понижи Гоф, но Американката не ѝ остана должна

Арина Сабаленка во финалето на Ролан Гарос ја совлада Коко Гоф, резултатот беше 2:1, но по мечот Белорусинката ја навреди противничката.

Првата тенисерка на светот беше фаворит, но по пресврт Американката славеше.

Сабаленка по мечот даде изјава која ги разбуди страстите, спомнувајќи ја и Ига Швионтек.

– Боли. Особено бидејќи играв одличен тенис во текот на две недели. Играв против тешки противници, олимписки шампионки, Ига… А, потоа излегувам на терен и играм навистина лошо во финалето. Не знам. Ми се чини дека Ига ме победи пред неколку денови, за да излезе на терен и победи. Искрено, боли – рече Сабаленка по поразот и уште еднаш потврди дека нема милост кон противниците дури ни надвор од теренот, како што неодамна кажа за себе.

Американката сепак не ѝ остана должна. Гоф смета дека заслужено дојде до втората гранд слем титула.

– Не се согласувам со тоа. Не сум во сенка на Ига или ништо слично, но играв против неа и ја победив во три сета. Не мислам дека е фер да се каже, бидејќи навистина се може да се случи. Искрено, судејќи според начинот на кој играше Арина последните неколку недели, таа беше фаворит. Би рекла дека е најподготвена тенисерка против која можев да играм во финалето. Бидејќи е број еден во светот, таа беше најдобрата тенисерка за овој меч. Мислам дека го добив најтешкиот меч само ако се осврнете на статистиката – кажа Коко, која пред две години во финалето на Ју-Ес Опен исто така ја победи Арина и тогаш ја освои првата гранд слем титула во кариерата.

Фото: Grok AI