Румениге за неуспехот со Вирц и Волтемаде: Во Баерн се разумни луѓе

Поранешниот директор на Баерн Минхен Карл-Хајнц Румениге повторно ја разгледа темата со неуспехот на клубот да ги привлече Флориан Вирц и Ник Волтемаде.

Првиот од нив премина во Ливерпул за 125 милиони евра, а напаѓачот потпиша со Њукасл за 75 милиони.

„Во случајот со Вирц, сè уште боли, бидејќи верувам дека за играчот ќе беше подобро во Баерн отколку во Ливерпул“, изјави Румениге за „Шпорт Билд“.

„Што се однесува до Волтемаде – можевме да го доведеме. Но, морам да кажам и нешто друго: во Баерн се доволно рационални да не се впуштаат во секакви финансиски лудости. Секогаш сум велел: сакаме да постигнеме спортски успех, но, ве молам, на сериозен и финансиски здрав начин“, додаде Кале.