Роналдо се појави на трибините во друг спорт и навиваше за своите сонародници

Португалскиот фудбалер Кристијано Роналдо беше забележан како се интересира за нов спорт само неколку дена по прославата на својот 40. роденден.

Ова беше седмица во која доминираше прославата на роденденот на напаѓачот на Ал-Наср, кој по тој повод организираше забава со семејството и пријателите.

Претходно го одбележа својот јубилеен роденден со тоа што објави фотографија од својот дом во Саудиска Арабија каде се забележува како носи компресивни чизми кои чинат 4.500 евра.

Само неколку дена подоцна, Роналдо се врати на фудбалскиот терен и постигна гол во победата 3:0 против Ал-Фајха.

Cristiano Ronaldo spotted enjoying a new sport after turning 40 – as Al-Nassr star cheers on Portuguese duo just days after birthday celebrations https://t.co/FRjyaKa64t

— Mail Sport (@MailSport) February 10, 2025

Роденденската прослава потоа се смири, а искусниот фудбалер најде време да ужива во новиот спорт и да им даде поддршка на португалскиот двоец кој се натпреваруваше.

Стануваше збор за Премиер падел турнирот во Ријад, каде Роналдо беше забележан на трибините, а на теренот беа браќата Мигел и Нуно Деус.

Двоецот успеа да го обезбеди своето место во главниот жреб на натпреварувањето по импресивната победа од 6:3, 6:2 против Иван Рамирез и Денис Перино.

Снимките на суперѕвездата како гледа од трибините брзо станаа вирални, додека Роналдо изгледаше фокусиран на возбудливиот падел меч кој се одвиваше на теренот.