Роналдо е машина – постигна ист број погодоци пред и по 30 години! (Видео)

Кристијано Роналдо продолжува да доминира во саудиското првенство, а неговата голгетерска магија не изостана ниту на вечерашниот натпревар меѓу Ал Наср и Шабаб, кој заврши со резултат 2-2. Португалската ѕвезда повторно беше во центарот на вниманието, постигнувајќи уште еден фантастичен погодок.

Иако помошниот судија сигнализираше офсајд и првично голот беше поништен, ВАР-технологијата потврди дека се работи за регуларен погодок, овозможувајќи му на Роналдо да го прослави својот 926. гол во кариерата.

Тоа што дополнително ја прави оваа статистика неверојатна е фактот што со овој погодок, Роналдо го израмни бројот на голови што ги постигнал до 30-годишна возраст (463) со оние што ги има постигнато од својот 30. роденден па сè до денес.