Бразилскиот фудбалер Реиниер Жесус Карваљо (23) повеќе не е играч на Реал Мадрид. Тој ја продолжува кариерата во Атлетико Минеира и се враќа дома во Бразил со полни џебови.
Мадридскиот Реал во 2020 година одвои 30 милиони евра за услугите на младото фудбалско талент Реиниер од Фламенго.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Кралевите се надеваа дека во него ќе добијат уште една ѕвезда за прилично низок износ, но Реиниер, за разлика од Винициус Жуниор и Родриго, се покажа како промашување.
Овој фудбалер не одигра ниту секунда во дресот на кралскиот клуб. Одеше на позајмици во Борусија Дортмунд, Жирона, Фросиноне и Гранада, за конечно ова лето да ја прекине авантурата со мадридскиот великан.
Реиниер на интересен начин се прости од Кралевите. Тој е благодарен за шансата што не се „материјализираше“.
„Со 18 години дојдов во Шпанија за да го исполнам детскиот сон – играње фудбал во Европа и клубот кој тоа го овозможи беше ни повеќе, ни помалку Реал Мадрид, најголемиот клуб во светот и клуб за кој навивав.
„Во изминативе пет години бев во Шпанија, Германија и Италија. Многу научив во клубовите кои ми помогнаа да се изградиме како личност и како професионалец.
„Знам дека ништо од тоа не би било можно без шансата што ми ја даде Реал Мадрид. Затоа, денеска кога го завршувам договорот, срцето ми е исполнето со благодарност и мирна совест. Благодарам Реал.”
Младиот фудбалер потпиша договор со Атлетико до декември 2029 година и враќањето во Бразил за него ќе биде дефинитивно нов почеток по прилично лошата епизода во Европа.
Фото: Принтскрин
Учество во игри на среќа е дозволено за лица со 18+ години. Играј одговорно!