Реал планира револуција и има голема поддршка од Барса!

Пред сезоната 2024/25, променета е структурата на сите европски натпреварувања, предводени од Лигата на шампиони. Најзначајната промена беше воведувањето на лига фаза наместо групна.

Неодамна се одржа првото издание на Светското клубско првенство откако FIFA го зголеми бројот на учесници на 32. Следниот настан од оваа важност е закажан за 2029. Претставниците на Реал Мадрид, предводени од Флорентино Перез, сакаат Светското клубско првенство да биде следната револуција.

Пред сè, според извори од Гардијан, реал Мадрид предводи група клубови кои сакаат турнирот да се одржува на секои две наместо на секои четири години. Тоа не е сѐ. Кралевите вршат притисок врз лидерите на FIFA да одобрат турнир со дури 48 тимови, односно 16 повеќе од сегашниот број. Следното Светско првенство ќе следи сличен формат.

Меѓу тимовите кои го прифатија предлогот на Реал Мадрид е Барселона. Ливерпул, Манчестер Јунајтед и Наполи исто така се согласуваат со претставниците од мадридскиот клуб.

Во случај FIFA да ја одобри оваа промена, тоа би барало револуција во фудбалскиот календар. Меѓутоа, тешко дека нешто ќе се менува пред 2030 година. Тоа е затоа што FIFA и Европското здружение на клубови постигнаа договор за распоред до таа година.

Иначе, постојат различни мислења за сите тие промени, а последното Светско клубско првенство не беше сосема успешен потег. Многу навивачи изразија загриженост дека турнирот е излишен. Многумина сметаат дека сè е направено само заради пари, а играчите едноставно немаат многу време за одмор.

Но, евидентно е дека клубови како Реал не се грижат за мислењето на играчите ниту за нивното физичко здравје, и затоа сакаат уште повеќе натпревари, што носи поголема заработка од телевизиските права.

Иначе, следното Светско клубско првенство би можело да се одржи во Катар. Како и пред Светското првенство во 2022 година, навивачите се разочарани и ја критикуваат FIFA за одлуката да ѝ се додели домаќинството на земја со сериозни обвинувања за кршење на човековите права, раширена корупција и недостаток на автентична фудбалска атмосфера.

На социјалните мрежи веќе можат да се најдат бројни коментари кои сугерираат дека ваквото натпреварување би требало да се организира некаде во Европа, но на сите им е јасно дека веќе долгогодишно и FIFA и UEFA пред сѐ гледаат на сметките и често се водени по добриот профит, а не по спортските и логични потези.