Рафиња: Ме навредуваа, ако ме почитуваа – и јас ќе го почитував!

По најлудиот натпревар во сезоната и победата на Барселона против Бенфика на гостински терен со резултат 5:4, дојде до судири на стадионот.

Каталонците по првото полувреме губеа со резултат 3:1, а во 64. минута постигнаа гол.

Меѓутоа, наместо израмнување, со автогол на Араухо, Бенфика дојде до 4:2, по што почна вистинската лудост.

Левандовски намали на 4:3 во 78. минута, Гарсија израмни во 86., а Рафиња, кој беше двоен стрелец на овој натпревар, во 96. минута донесе победа на Барселона.

Бразилецот после натпреварот имаше судир во тунелот на стадионот во Лисабон. Гостите бурно ја славеа победата, а тоа не им се допадна на фудбалерите на Бенфика. Неколкумина од нив, наводно, го нападнале Рафиња, а шпанските медиуми наведуваат дека морала да реагира и полицијата.

– Ме навредуваа, а јас им возвратив. Ако ме почитуваа, и јас нив ќе ги почитував. Наместо тоа, ме навредуваа, но не им останав должен – рече Бразилецот и додаде:

– Ова е мојот најдобар натпревар. Се гордеам што сум во Барселона и со оваа екипа. Би убил и умрел за неа.