Прв голем трејд во НБА: Голден Стејт го доведе најдобриот играч на Светското првенство!

Денис Шрoдер, светскиoт шампион со Германија од 2023 година и МВП на Светското првенство, се пресели во Голден Стејт Вориорс.

Бруклин Нетс и Голден Стејт Вориорс го завршија првиот голем трејд во сезоната. Во замена, Нетси ќе го добијат Де’Ентони Мелтон, и уште еден пик во втората рунда на драфтот.

Шродер е одличен сезонава и има просек од 18,4 поени и 6,6 асистенции по натпревар, а на Вориорс моментално им е потребен кошаркар кој ќе помогне во организацијата на нападот, па се решија за Германецот.

Од друга страна, Мелтон доживеа повреда на коленото на крајот на сезоната, а Голден Стејт загуби седум од последните девет натпревари по неговата повреда, што ги принуди да бараат ново решение.

Шродер во досегашната НБА кариера настапуваше за Атланта Хокс, Оклахома Сити Тандер, потоа за ЛА Лејкерс, Бостон, Хјустон, повторно за Лејкерс, Торонто и Бруклин.