На Апенините без одредена доза на скандал речиси не може да се помине. Практично секој ден медиумите изнесуваат по една нова вест која ја шокира јавноста.
Фудбалскиот репрезентативец на Нигерија, Адемола Лукман поднесе барање за трансфер од сегашниот клуб – Аталанта.
Дејан Димовски: Скопје троши 700 литри вода дневно по жител | Уште еден поткаст ↓↓↓
Овој фудбалер моментално се опоравува од повреда на листот, а го обвини клубот од Бергамо дека не ги почитувале договорените ветувања.
Лукман е на мета на Интер и е многу блиску до договор со тој клуб. Од претходно имаше договор со Аталанта дека може да замине ако стигне фер понуда.
Сепак, изгледа дека Лукман и Аталанта немаат исто мислење за изразот „фер понуда“, па Нигериецот смета дека веќе требало да биде на пат за Интер.
По ова прашање излезе на социјалните мрежи каде откри дека поднел барање за трансфер.
„Аталанта прими понуда која е согласно со претходно договореното.
Меѓутоа, тие се повлекоа од договорот. Чувствувам дека немам избор освен јавно да кажам што се случува.
Доста е! Можам да потврдам дека поднесов официјално барање за трансфер“, напиша Лукман.
Фото: Принтскрин
Учество во игри на среќа е дозволено за лица со 18+ години. Играј одговорно!