Ненадејна пресвртница! Во Барселона пристигнуваат нови информации за Роберт Левандовски дека ќе остане на Камп Ноу и наредната сезона, и покрај тоа што разделбата изгледаше неизбежна.
Претседателот на Барселона, Жоан Лапорта, јавно откри дека би сакал полската ѕвезда да остане, во момент кога договорот му истекува на крајот на сезоната, додека гласините за негово заминување беа во полн ек.
Street Workout Macedonia – Движење што гради сила, карактер и издржливост | Уште еден поткаст
Неколку клубови покажаа интерес за искусниот стрелец. Тимови од Блискиот Исток демонстрираа желба, а конкретни разговори со лица блиски до капитенот на Полска водеше и Чикаго Фајр. Претходно, многу се зборуваше за интерес од Милано.
Сепак, пред неколку недели, 37-годишниот фудбалер призна дека не се загрижува со гласините за неговата иднина и дека сака да донесе конечна одлука на крајот од април или почетокот на мај. Истовремено, не криеше дека би сакал да остане во Барселона. Изгледа дека истото го посакува и Лапорта, кој во емисијата на радио RAC1 јасно изјави дека сè уште смета на Полјакот.
И покрај тоа што Лева го загуби местото во стартниот состав, секој пат кога е на терен, ја потврдува својата вредност. Постигна гол и на последниот натпревар од Ла Лига против Виљареал (4:1), иако од тој меч се врати со повреда на окото. Во тековната сезона запиша 14 гола и три асистенции на 32 натпревари во сите натпреварувања.
Учество во игри на среќа е дозволено за лица со 18+ години. Играј одговорно!