Преговорите започнале: Алегри може да се врати во поранешниот клуб!

Искусниот италијански стручњак Масимилијано Алегри сѐ уште ја очекува соодветната понуда за да го продолжи својот ангажман.

За сега ужива надвор од фудбалот, но може да се врати на почетокот на следната сезона.

Како заинтересиран клуб се спомнува – Милан.

Веќе некое време во медиумите се појавува овој план на „росонерите“, а најновата информација е дека Алегри разговарал со претставниците на Милан по телефон, што само дополнително ги подгреа приказните за неговото враќање во Милан.

Пред неколку дена имаше и вечера со Фабио Паратичи, првиот кандидат за местото спортски директор на Милан.

Сите разбираат дека Серџо Консеисао на крајот од сезоната ќе си замине од Милан, можеби дури и порано, а сега Алегри е првиот кандидат за местото шеф тренер на клубот од „Сан Сиро“.

Да потсетиме, Алегри веќе има Скудето со Милан, а го напушти клубот во јануари 2014 година.