Познато кога Ѓоковиќ ќе игра во второто коло на Австралија опен

Новак Ѓоковиќ ќе го игра натпреварот од второто коло на Австралија опен во дневниот програм, а противник ќе му биде квалификантот од Португалија Жаиме Фарија.

Тој дуел е втор на програмата на Род Лејвер арената, најголемата во Мелбурн парк.

Од 1.30 наутро по средноевропско време, во ноќта помеѓу вторник и среда, на терен ќе излезат Арина Сабаленка и Боузас Манеира, а не пред 4.00 Ѓоковиќ и Фарија ќе се појават на теренот.

Во вечерниот програм ќе играат Коко Гоф и Џоди Барииџ, а потоа Александар Зверев и Педро Мартинез.

Карлос Алкараз игра во дневниот термин на Маргарет Корт арената, во слично време како и Новак, а вечерта е резервирана за Каспер Руд и Јакуб Меншик.

Олга Даниловиќ повторно игра прва на програмата, од 1.00 по средноевропско време меѓу среда и четврток, соперничка ќе и биде Људмила Самсонова.