Познато какво богатство заработи Ѓоковиќ во поразот со само шест освоени гема

Карлос Алкараз и Јаник Синер ќе се борат во финалето на егзибицискиот тениски турнир Шест кралеви во Ријад. Алкараз, првиот играч во светот, тоа го заслужи со полуфинална победа од 6:4, 6:2 против Тејлор Фриц, додека Синер, вториот на АТП листата, до мечот за титула стигна со ист резултат против Новак Ѓоковиќ.

Ѓоковиќ и Алкараз се приклучија на останатите во полуфиналната фаза на турнирот. Во четвртфиналето испаднаа Александер Зверев, од Фриц, и Стефанос Циципас, од Синер. На секој играч кој настапи на турнирот му беа гарантирани 1.5 милиони долари (околу 1.3 милиони евра), а победникот ќе добие дополнителни 4.5 милиони (околу 3.9 милиони евра) и така својата заработка од доаѓањето во Саудиска Арабија и успехот на турнирот ќе ја зголеми на вкупно 6 милиони (околу 5.2 милиони евра). Тоа е повеќе од наградите на кој било Гренд Слем турнир.

Ова значи и дека Ѓоковиќ и Фриц заработија 1.5 милиони долари за настапот и поразот со само шест освоени гема. Заработија 250.000 долари по гем (околу 230.000 евра). Ѓоковиќ против Синер на теренот помина само 62 минути, што значи и дека заработи околу 22.000 евра по минута. По сето тоа, рече:

„Не беше ова долг меч, што е негова, а не моја заслуга. Беше премногу добар, ја удираше топката силно од сите агли и му посакувам се најдобро во финалето“, вели тој.