Позната причината за смртта на познатиот кошаркар: Полицијата ги откри деталите

Смртта на летонскиот кошаркар Јанис Тима во ноќта меѓу 16 и 17 декември во Москва е главна тема во светските медиуми.

Летонецот си го одземал животот, бидејќи не можел да го преброди разводот од својата сопруга Ана Седокова. Јанис Тима се самоуби на роденденот на својата поранешна жена на 16 декември во еден хотел во Москва. Судот во Москва официјално го објави разводот на 9 декември.

Познати се и деталите за смртта на кошаркарот Јанис Тима. Како што дознаа новинарите, пред смртта изнајмил соба во хотелот „Оринџ“, кој се наоѓа на првиот кат од стара петкатна зграда, недалеку од домот на Ана Седокова. Јанис Тима бил регистриран таму од 14 до 16 декември, пишува Телеграм канал.

Според порталот „Шот“, причината за смртта на Тима била гушење, зошто телото останало без кислород со вишок јаглерод диоксид во крвта.

До телото на Јанис Тима, полицијата го пронашла неговиот телефон со бројот на пејачката на екранот и барање да ја повика. Како што пренеле медиумите, Јанис Тима поминувал низ тешок период по разводот. Претходно ги исплаши своите следбеници со пренос во живо на Инстаграм каде што зел седатив, па тогаш фановите му препорачаа да побара помош од своите блиски.