Познат терминот кога Ѓоковиќ ќе игра за финале во Мајами

Најдобриот тенисер на сите времиња Новак Ѓоковиќ синоќа се пласираше во полуфиналето на мастерс турнирот во Мајами.

Србинот со резултат 2:0, по сетови 6:3, 7:6(4), го совлада Американецот Себастијан Корда.

Противник на Ѓоковиќ во борбата за пласман во финале и можноста да игра за јубилејната 100. титула во кариерата ќе биде Бугаринот Григор Димитров, кој претходно во четвртфиналето го елиминираше Аргентинецот Франсиско Серундоло.

Организаторите го одредија терминот за мечот Ѓоковиќ – Димитров. Србинот и Бугаринот ќе излезат на терен во 21 час по македонско време.

Ова ќе биде 14. по ред меѓусебен дуел на двата големи пријатели, а Ѓоковиќ победил во 12 од 13 претходни натпревари против Димитров.