Фудбалерите на Ал Наср ја завршија сезоната во саудиското првенство со пораз. Во последниот натпревар изгубија на гости против Ал Фатех со 3:2, што значеше дека сезоната ја завршија на третото место на табелата со 70 поени, пет помалку од второпласираниот Ал-Хилал, кој во следната сезона ќе се натпреварува во азиската Лига на шампиони заедно со шампионот Ал-Итихад.
Кристијано Роналдо го постигна својот 25-ти гол во првенството и вкупно 35-ти во сите натпреварувања. Со тоа повторно стана најдобар стрелец на саудиското првенство, а можеби со ова се опростува и од дресот на Ал Наср.
Финале во Лига на Шампиони: Младиот ПСЖ против искусниот Интер! ↓↓↓
По натпреварот, Роналдо на социјалните мрежи сподели своја фотографија од натпреварот со кратка порака: „Ова поглавје е завршено. Приказната? Се уште се пишува. Благодарен на сите.“
Договорот на Роналдо со Ал Наср истекува на 30 јуни, а фактот дека не е постигнат нов договор, гo потврдува верувањето дека Португалецот се подготвува за заминување по две и пол години во Саудиска Арабија.
Италијанскиот инсајдер за трансфери, Руди Галети, изјави: „Кристијано Роналдо малку ги смири страстите и напомена дека ќе размисли за останување во Ал Наср ако се формира тим кој ќе се бори за титулата. Заминување, па дури и пензионирање се реални опции за Роналдо.“
Учество во игри на среќа е дозволено за лица со 18+ години. Играј одговорно!