Повредата на Роналдо е посериозна отколку што се мислеше, отпатувал на лекување во Шпанија

Тренерот на Ал-Наср, Жорже Жезус, објави дека повредата на португалската ѕвезда Кристијано Роналдо е посериозна отколку што претходно се мислеше.

Тренеот на Ал-Наср ги соопшти најновите информации за здравствената состојба на својот најдобар играч на прес-конференција, потенцирајќи дека Роналдо нема да биде достапен за тимот во следниот период.

“Во последниот натпревар ја напушти играта поради болка во мускулите. Откако ги направивме испитувањата, стана јасно дека повредата е посериозна отколку што се очекуваше и бара одмор и рехабилитација,” изјави Жезус.

🚨 Jorge Jesus: “After tests, we see the injury suffered by Cristiano Ronaldo was more serious than expected”.

“Cristiano will now travel to Spain, like other players who went for treatment when they were injured. His injury required treatment in Madrid with his personal… pic.twitter.com/uCb70kgiGg

— Fabrizio Romano (@FabrizioRomano) March 6, 2026

За да ја прими потребната терапија, Португалецот отпатува во Шпанија, каде што ќе продолжи со лекувањето.

“Кристијано замина во Шпанија, што беше случај и со други фудбалери пред него. Неговата повреда бара специфичен третман во Мадрид од страна на неговиот личен специјалист. Се надеваме дека наскоро ќе се врати и ќе му помогне на тимот,” додаде тренерот на саудискиот клуб.

Ал-Наср ќе мора да ги одигра следните натпревари без нивниот најдобар стрелец, додека го исчекуваат неговото целосно закрепнување.