Пeрез веќе го отпишал: Познато кој фудбалер ќе го напушти Реал Мадрид ова лето

Полека влегуваме во финишот на сезоната, а клубовите веќе размислуваат за летниот преоден рок. Изгледа дека е познато кој играч скоро сигурно треба да го напушти Реал Мадрид. Флорентино Перез го означи како слаба алка.

Медиумите во Шпанија пишуваат дека летово Реал Мадрид ќе се раздели од 29-годишниот Ферлан Менди.

Fichajes.net наведува дека Кралскиот клуб веќе планира иднина без овој фудбалер.

Се наведува дека првиот човек на клубот, Флорентино Перез, го означил како слаба алка во одбраната.

Неговиот настап против Реал Бетис ги убедил раководителите на Реал Мадрид да се откажат од него и да се ослободат.

Клубот од главниот град на Шпанија сега бара нов лев бек, а две се целите – Тео Ернандез и Мигел Гутиерез.

“Ситуацијата е сосема јасна. Менди мора да најде нов тим”, известија шпанските новинари.

Во последниве години, Ферлан Менди се соочи со многу проблеми со повреди и се зборуваше дека бил баран во Саудиска Арабија.

Тој е дете на ПСЖ, а бил уште во Ле Авр и Лион пред да пристигне во Реал Мадрид во 2019 година за 48 милиони евра.

Оваа сезона настапи на 28 натпревари во сите натпреварувања и има учинок од една асистенција.