Ова ретко се гледа: Американка победи во ВТА финале без изгубен гем!

Американската тенисерка Емма Наваро стана само петтата тенисерка на овој век која во финалето на турнирот на ВТА славеше со максимални 6:0 и 6:0 на турнирот Мерида Опен во Мексико.

Емма Наваро синоќа со брутална и доминантна игра ја совлада колумбиската квалификантка Емилијана Аранго со максимална предност во гемовите.

Американката, која е десетта тенисерка во светот, ја заврши работата за само 55 минути игра. До финалето Наваро не загуби ниту еден сет, а потоа во самото финале го подигна нивото на игра и го освои натпреварот без загубен гем.

Сепак, тоа не е обесхрабрувачко за младата противничка Емилијана Аранго, бидејќи никогаш во својата кариера не поминала натпревар до четвртфинале на некој турнир. Но, во Мексико започна од квалификациите, играше одлично, но имаше и многу среќа бидејќи по повредата стигна до финалето.

5 – Since 2000, Emma Navarro is only the fifth player to win a WTA event final by a 6-0 6-0 score:

Bartoli, Quebec City 06
A. Radwanska, Sydney 13
Halep, Bucharest 16
Swiatek, Rome 21
Navarro, Merida 25 🆕

Steamroll.#MeridaOpenAKRON | @WTAMeridaOpen1 @WTA @WTA_insider pic.twitter.com/jxbHLX6Wrd

— OptaAce (@OptaAce) March 3, 2025

Овој подвиг е виден уште само четири пати од 2000 година, а станува збор за победа во финале со максимални 6:0 и 6:0.

Останатите играчки што го постигнаа ова се Марион Бартоли (Квебек 2006), Агњешка Радванска (Сиднеј 2013), Симона Халеп (Букурешт 2016) и Ига Свјонтек (Рим 2021).