Oва ниту Кабиб не го направи: Ислам Макачев освои нов појас во УФЦ!

Дагестанецот Ислам Махачев го продолжи својот победнички пат во УФЦ, станувајќи повторно шампион, овој пат во друга категорија.

По успешното освојување на титулата во лесната категорија (до 70 кг), Махачев се одлучи за нов предизвик во велтер категоријата (до 77 кг). Утрово во борбата за шампионската титула, тој целосно го надмина Џек Дела Мадалена.

ISLAM MAKHACHEV IS THE NEW UFC WELTERWEIGHT CHAMPION

The 11th double champ in UFC history … Even Khabib never did that 🤯🐐 pic.twitter.com/j7sWZHZLIB

— Bleacher Report (@BleacherReport) November 16, 2025

Влегувајќи во мечот како фаворит, Махачев иако се бореше во домашната категорија на Мадалена, оствари импресивна 16-та последователна победа, со што го освои шампионскиот појас.

Со ова, Махачев го прекина победничкиот низ на Мадалена од 18 победи и доминираше во сите пет рунди, освојувајќи ја победата со едногласна одлука на судиите. Сите пет судии го бодуваа мечот со резултат 50-45 во корист на Дагестанецот.

Islam Makhachev has won 16 straight fights, tying Anderson Silva for the longest win streak in UFC history 👏

Two of the greatest of all time 🤝 #UFC322 pic.twitter.com/aUym3DxMjT

— ESPN MMA (@espnmma) November 16, 2025

Оваа победа го става Махачев на исто рамниште со легендарниот Андерсон Силва, бидејќи и двајцата сега имаат по 16 последователни победи во УФЦ. Махачев ќе има можност да го надмине овој рекорд во следната борба.

Покрај ова, Ислам стана 11-тиот борец во историјата што ја освоил УФЦ титулата во две различни тежински категории. Во текот на својата кариера, тој беше познат и како рекордер во бројот на одбрани на титулата во лесната категорија (4), а сега дополнително ја збогати својата оставина.