Ова е следниот турнир на кој ќе игра Новак Ѓоковиќ

Новак Ѓоковиќ одлично ја започна оваа сезона ако ги погледнеме очекувањата, играше финале на Австралија опен каде што беше поразен од фантастичниот Карлос Алкараз, па така ќе мора да почека на својата 25-та гренд слем титула.

Сепак, продолжува со настапите, ќе се подготвува за следните големи турнири, а првиот голем турнир е Индијан Велс каде што Новак претходно имаше доста успех (пет титули), но сите беа до 2016 година.

Минатата сезона беше поразен од Ботик ван де Зандшулп во второто коло.

Неговото учество не е потврдено од него лично, туку од страна на организаторите кои објавија список на учесници, а и постер на кој токму Новак е во преден план.