Емотивна сцена: Селекторот на БиХ се расплака по драмата со Велс, ги гушкаше и двајцата синови (Видео)

Репрезентацијата на Босна и Херцеговина успеа да се пласира во финалето на баражот за Светското првенство, откако во драматичен пенал натпревар го победи Велс.

Селекторот на “Змејовите”, Сергеј Барбарез, емоционално ја доживеа оваа победа, која ја прослави во прегратката на своите синови Филип и Серхио.

Видео од нивното славје стана популарно, и на него јасно се гледа како Барбарез пушта солзи додека е во прегратката на децата.

Да потсетиме, натпреварот во редовниот тек заврши нерешено 1:1, со голови од страна на Даниел Џејмс и Един Џеко, додека по пеналите, конечниот резултат беше 4:2.

Табаковиќ, Басиќ, Хаџиахметовиќ и Алајбеговиќ погодија за победата, а само Демировиќ не беше прецизен, имајќи навистина тежок натпревар.

Тренерот Сергеј Барбарез со солзи по натпреварот, споделувајќи го моментот со своите синови. Што и да се случи, секогаш ќе бидеш нашиот ЛЕГЕНДАРЕН КАПИТЕН! 🇧🇦 pic.twitter.com/39gZLZ0tlr

— Босански Фудбал (@BosniaNTBall) 26 март 2026